今朝一早婆婆帶左妤妤落樓下曬太陽, 妤妤都幾鐘意落街呼吸下新鮮空氣!
萬分感謝! 另外, Violet仲同我地影左d全家福
今朝一早婆婆帶左妤妤落樓下曬太陽, 妤妤都幾鐘意落街呼吸下新鮮空氣!
萬分感謝! 另外, Violet仲同我地影左d全家福
因為呢個禮拜妤妤成日食奶時同埋訓覺都有好重呼吸聲, 所以今朝爸爸就請左半日假同埋妤妤去睇樓下個醫生. 雖然等左成半個鐘, 不過個醫生講解得好詳盡點解妤妤會有d痰狀物體同埋訓得唔好既原因, 最後開左支生理鹽水俾妤妤滴鼻, 果然係好左d!
今日Carmen 姐姐o黎探妤妤, 佢仲同婷姨姨送o左好多禮物俾媽咪同妤妤tim!
仲有妤妤今日第一次著短袖衫, 大家先發現原來佢都有少少手瓜仔. 希望佢快高長大, 早日由3rd percentile 升級啦!
今日發覺妤妤將貓頭鷹時間打散左, 日頭都有扭眼訓既情況出現, 希望十月開始找褓姆湊會有所改善!
今日媽咪同妤妤沖涼果陣唱'黃飛鴻'音樂俾佢聽, 佢好似好鐘意, 望住媽咪笑呀, 係第一次妤妤o係清醒o既情況下第一次同媽咪笑. 佢食完奶之後自己訓o係床仔度, 媽咪擔張櫈仔坐o係側邊同佢玩, 唱'黃飛鴻'音樂佢又笑, 之後同佢玩搖鈴又好興奮! 跟住試o下行開俾佢自己玩, 佢又識得手舞足蹈, 仲發出ar ar 聲tim. 不過佢玩o左一陣又扭計要人抱. anyway 呢個都係一個好開始, 希望佢每日有進步啦!