今朝婆婆同爸爸帶妤妤去健康院進行四個月既嬰兒發展監察計劃，未到九點就去到喇，等左一陣就入去磅重同度頭圍，好可惜經過呢個月既努力，妤妤體重都係得5.73kg，仍然停留o係10 percentail，上唔到25 percentail，但值得慶幸既係頭圍40.2 cm, 可以升上25 percentail喇! 
磅重既時候，負責既姑娘話妤妤好靚女 
磅完之後就出去由另一位姑娘問婆婆同爸爸一d關於妤妤既問題，問完之後個姑娘就拎左個搖鈴出黎，由左移去右再由右移去左考妤妤既反應，妤妤一直好快跟著個搖鈴望，姑娘讚妤妤條頸仔好有力，最後姑娘俾個搖鈴妤妤拿住，但妤妤只係拿左幾秒就掉低個搖鈴，呢方面就需要訓練多d喇! 
黎緊首要任務就係加奶，希望下次六個月既嬰兒發展監察計劃，妤妤體重可以上到去25 percentail喇! 
沒有留言:
張貼留言