今朝爸爸又同妤妤去interview喇! 今次係o係新寶城既翠茵小宇宙，亦都係第一間in區內既幼稚園。今次interview爸爸留意到一樣野，就係原來妤妤對於一大堆玩具唔係好處理得到。當老師o係妤妤面前放左一箱玩具，箱內有過百款小玩具時，妤妤就會不停咁拎，唔係好識得停落黎玩! 另外，原來妤妤亦未係好敢玩滑梯，行到去頂時就唔敢坐低，不過我諗呢兩樣野都可以訓練一下! 整體黎講，妤妤都算in得唔錯，走果陣都有同老師拜拜同埋飛吻，老師仲送左個duck duck袋仔俾妤妤，不過同之前d interview一樣，一開始妤妤都係要warm up一下先得!
妤妤而家上落馬仔都好純熟，差唔多日日都話要玩! 
沒有留言:
張貼留言