今朝一早，爸爸又同妤妤出動去面試喇! 今次係去o係尚德既梁省德，估唔到今次碰到既係咁多次面試之中最認真既一個，前後見左三輪，仲誇張過大人見工，原來屋村d幼稚園考既野係最多。不過可能係預左18個月d小朋友識得比較多野，所以問埋小朋友叫咩名，又試玩左好多唔同類型既玩具，連校長都出動埋黎觀察，極其認真! 不過今次妤妤都係有d緊張，需要熱身既時間比較長，今次連魚魚都唔識得講，不過最後個主任同爸爸講妤妤整體表現都唔錯，以8月BB黎講講野都算幾好! 
下晝又去左playgroup，繼續大戰terrible two同學。呢個playgroup由於同學年齡差距大 (四個近歲半 vs 四個近兩歲)，而近歲半果d男仔比較多，所以妤妤就比較突出啦! 今堂老師帶住妤妤派搖鼓俾小朋友，佢又做得有紋有路，成個班長咁! 見到隔離個小朋友扭計，佢就皺晒眉頭咁咁望住人地，搞到個小朋友媽媽同佢女女講：你睇下幾醜怪，連妹妹都皺晒眉頭喇!
沒有留言:
張貼留言