今日同妤妤去健康院做發展監察. 結果如下:
體重: 4.23 kg
身長: 56cm
頭圍: 37.5cm
體重算係升o左級去10th percentile o勒. 姑娘話因為妤妤出世輕, 所以依家呢個磅數都算理想. 不過姑娘話我地唔可以再俾佢每三個鐘食一次, 要試o下同佢拉長d 時間喎, 咁佢就自然會每餐食多d 喎. 但係姑娘又講唔到具體o既方法俾我地聽喎. 唯有周圍問o下人啦.
呢d 係同佢去健康院前影o既相:
跟住就去o左私家醫生度打五合一針 + 輪狀疫苗. 個醫生好有心機, 妤妤都係喊o左幾聲就冇事. 之後返到屋企覺得佢有d熱熱地, 就俾o左次退燒水佢食. 媽媽聞到d 藥水係香橙味o架! 可能係咁樣, 妤妤好鐘意食, 會好主動打開個口啜, 食完之後仲要伸條利仔出o黎'lam'埋口邊果d tim.
之後妤妤就訓o左覺. 可能係藥力o既關係, 佢訓得俾平時 lum 同埋多. 不過訓醒o左之後都會同人玩o架.
但係玩到咁上下又要扭人抱o下, 依家佢會識得o係喊之前扁咀:
之後同佢沖涼, 然後用暖袋 full o下個針口同埋用退熱貼痴住額頭仔, 妤妤就好舒服咁訓o左:
醒o左之後又同人玩. 成日咀郁郁想同人講野, 久唔久會發出 'ar ar' 聲, 興奮果陣仲會 ' kit' 一聲笑出o黎 tim. 好彩妤妤打完針之後冇比平時扭多o左計, 食奶情況都ok (只係有時佢眼訓得滯變得難掃風o左). TRACY 姑娘話 bb 打完針之後第一日會發燒同埋支力d, 到第二日d 藥力退o左就會慢慢回復正常.
平時貓頭鷹時間佢都係訓覺居多, 之後到11點幾扭眼訓, 到十二點訓著o左. 十二點半放佢落床, 點知佢俾自己d 口水俗親醒o左, 於是俾多次退燒水佢飲. 放佢落床又 o係度望住媽咪笑, 想人陪佢玩. 但係為o左要培養佢o既睡眠時間, 媽咪熄燈然後觀察佢, 見佢自己o係度望o下玩o下, 跟住就訓o左o勒.
呢幅可以send去俾退熱貼公司做廣告相:
沒有留言:
張貼留言