今日一早爸爸帶住妤妤去迦南面試，因為妤妤係八月頭出世，被編左細B既一批，所以面試見到小朋友年紀都比較細。可能因為面試時間太早，所以妤妤都比較靜，主要考左疊杯上碟同埋推波波既遊戲，妤妤有d緊張，連波波個名都唔記得左! 不過都唔緊要啦，因為年齡細左少少，要等到第四round先有得in，都唔expect有位! 就當係帶妤妤去參觀下喇! 
面試前先去打韆鞦熱身!
面試後又去屋企平台玩過，有小朋友吹肥皂泡，妤妤追得好開心!
下午去左新playgroup，d同學仔年齡比較大，有三個小朋友係廿四個月大，令爸爸見識到真正Terrible Two既威力，亦可能因為咁，妤妤既表現比較正常! 呢個playgroup今堂內容有認識身體，小肌肉訓練同埋做勞作，妤妤都玩得好開心!
爸爸同妤妤做既第一個親子習作!
沒有留言:
張貼留言