Month 18 Day 7

今日一早爸爸媽媽帶住妤妤去健康院做發展監察，體重係11kg，保持住大約75 percentail。今次姑娘叫妤妤指洋娃娃既五官同手腳，同埋疊高高，妤妤都無乜大問題，不過全程都好靜，最後爸爸唯有叫妤妤講唔該，妤妤都好乖咁講左，加埋招牌式拜拜同飛吻，過左呢關就四歲先要再返健康院做視力測試。

之後去左屋企樓下李醫生打歲半針，妤妤都係好乖咁喊左兩聲就搞掂，到讀小一先再有針打!

中午一家人過左去紅磡火車站既都會海逸食午餐自助餐，妤妤發揮出威力，足足食左一碟有多!

燕窩瑤柱瘦肉粥，妤妤係咁食!