廿七個月大喇!

話咁快妤妤就廿七個月大喇! 自從返左學之後, 妤妤學左好多新野, 但亦都因為咁, 妤妤就覺得自己大個左, 所以好多野都要爭住話要妤妤做, 做得唔好, 唔識做, 或者唔俾佢做既時候妤妤都會發脾氣, 但有時同佢講佢又知道自己唔岩, 黎緊月中學校會有家長日, 睇下到時同班主任傾下呢個問題, 希望只係過度性喇!

今日學校派番之前o係學校貼o係壁報板既妤妤相, 妤妤笑得幾開心!