今日又係爸爸媽媽公司一年一度去海洋公園既活動, 妤妤一早起身就乖乖食早餐番學, 放學後等媽媽放工就一齊出發喇! 
雖然排左大半個鐘頭先上到車, 妤妤仍然精神奕奕!
四點多就到達正門!
今年新開既熱氣球, 昇得好高呢!
同舊年一樣, 第一站係熊貓館!
原來今年公園將盈盈樂樂同d金魚轉左去亞洲動物館, 原有既熊貓館就只得年老既安安佳佳喇!
新品種小熊貓!
妤妤充破心理關口, 同小丑握手, 影相同飛吻!
呢d係鱷魚蛋, 不過唔知係真定假!
妤妤最近好鐘意玩跳飛機!
今次我地選擇坐新車上山, 點知好失望, 三分鐘車程只得車頂既海底畫面, 早知坐番吊車好過!
山上黃昏既景色好靚!
首先去睇水母館!
然後就排隊入場睇海豚show喇, 因為舊年miss左, 所以今年一定要霸到個好位睇!
最後一站係海洋館, 妤妤睇魚睇得好開心!
妤妤睇完魚後就訓著左, 我地就要全程輪流抱到佢返屋企, 總括黎講, 妤妤比起舊年識睇野好多, 之後果幾日仲成日話要去海洋公園添!
沒有留言:
張貼留言