今朝媽咪同婆婆帶o左妤妤去寶琳交俾何太, 之後我佢地就去o左沙田. 媽咪去威爾斯覆診, 醫生話血壓正常番, 可以唔駛再食藥o勒. 跟住同婆婆去會合太婆同姨婆去o左樓下bb店買野. 呢幾件係太婆同姨婆送o既. 另外媽咪都買o左張搖椅俾妤妤. 一來係用o黎食奶掃完風之後俾佢去個身直直地訓 (依家我地要抱佢成半個鐘, 遲d 重d 都唔知點算), 二來係希望佢扭眼訓時我地可以放佢去搖搖下安撫佢. 今晚試過, 兩個purpose 都ok! 食完奶, 放佢去訓一陣自己會 'ur' o架, 佢重眼仔碌碌好enjoy: 之後扭眼訓, 爸爸媽媽放佢去搖搖, 再加埋搖籃曲及鈴鈴, 終於成功令妤妤訓著, yeah!
希望妤妤鐘意呢張新傢私, 咁爸爸同媽咪晚晚都可以慳番好多力!
O晒咀個樣超得意!
回覆刪除多謝多謝,小女O咀有時係想os
回覆刪除