其實bb既預產期已經改過一次, 一開始係8月21日, 所以太太申請產假既時候係用前2後8, 即係8月7日開始放, 點知有次去威記覆診時話應該推遲到8月25日, 所以就變左前2.5後7.5, 點知結果係bb急不及待o係8月6日出左世, 差一日就前0後10, 咁到底bb早左出世有乜impact呢?
正如 "這是天父所賜" 既祈禱手冊 (我地由bb第七個月開始用) 所講 "當孕婦出現分娩徵兆時, 求主為孕婦預備必有親人在場作出適當的幫助". 當晚我地o係好有準備情況下入院, 連的士司機都話見我地咁冷靜, 而我地亦因為呢個時間, 唔駛返返o下工入院咁狼狽 我阿媽話bb專登避左農曆七月出世 (星期一係農曆六月廿四) bb選擇左獅子座 (遲d係處女座) 長d產假, 多d時間學識照顧bb
原本太太諗住到產假期間先食d涼野清胎毒, 結果唔駛食 太太無得食晚餐同自助餐. 原本星期一晚係會上我阿媽度食飯, 星期二佢會同外家食自助餐, 結果無得食 太太做野咁辛苦, 諗於放返十幾日產假抖o下, 點知而家無得抖
沒有留言:
張貼留言