今朝一早未夠六點已經俾BB嘈醒，琴晚我成點幾先訓，無法喇，見到太太個樣仲辛苦過我，唯有幫手換片同餵奶，結果一搞就一個鐘 (呢餐已經算快)，餵左幾日我地發覺好難為BB訂立食奶既schedule。如果係strictly三個鐘一餐，有時BB未到三個鐘已經喊醒要食奶，就算等到三個鐘先開始食，一開始BB會吸吮得好快，會好容易導致到食左風(要掃好耐)，甚至嘔奶，跟住食左大半時BB就開始眼訓同埋嘆奶，睇見佢就慘，咁辛苦食完一餐一聲就嘔返一半出黎!
下晝婆婆同媽媽用姨婆教既方法幫BB沖涼, 過程充滿驚險, 不過因為係第一次, 希望好似食奶咁慢慢訓練到!
夜晚天氣突然轉壞, 行雷時我地驚BB受怕, 點知當打雷最大聲既時間BB竟然"kit"一聲笑左出黎, 唔通BB鐘意聽雷聲?
1. 難得燦大對眼影相
2. BB的小手
3. 表情多多
4. 又一次嘆奶, 好似逼佢食咁
5. BB鐘意自己同自己玩
6. BB有時好醒訓
7. 食飽左就玩口水
今日拍左段video:
有冇試過殘忍的方法去叫佢唔好瞓，例如「卒耳背」或者「彈腳皮底」。 不過話聲你聽，我試過，不過冇乜用，一樣瞓到豬豬聲。
回覆刪除筆誤：彈腳皮底 即 腳板底
回覆刪除Shrek. 所有方法都已經試過, 最近好似係等過左少少時間先食, 就會有效率d
回覆刪除嘩！好得意！非常鐘意依批相。唔知你地覺唔覺。BB不只表情多多，而且仲越黎越有自已的Character。
回覆刪除卡生卡太個 baby 好精靈呀 仲識得做埋 d 大明星動作添
回覆刪除