Day 14

8月20日 (星期一) 晴

今朝一早, 婆婆, 姨婆同媽媽帶左BB去健康院見醫生, 全程檢查左好耐 (BB要除晒衫check好多野), 醫生話搞左咁耐BB無乜喊都算乖!

 因為搞完晒先知道原來磅重係要去另外一個房, 又要再除晒d衫, 為免BB著涼, 就留返下次先磅, 下次返健康院就要等BB滿月, 返去打針

今次檢查主要問左醫生兩個問題, 就係轉奶奶同BB甩皮

因為一直食緊既能恩BB(爸爸小時食既奶)好似唔係咁長肉, 遲下睇o下轉唔轉到S26(媽媽小時食既奶), 醫生建議可以每日加一餐新奶咁轉, 如果有任何問題就即刻fallback.

最近發覺BB既手腳同身體都有甩皮現象, 問過醫生話係正常, 因為BB o係肚裡面d皮浸過胎水, 所以出到黎之後要換皮, 我真係第一次聽!

之後婆婆同姨婆帶住BB返屋企沖涼, 媽媽就去左睇醫生, 醫生話食開d藥無問題, 血壓高返可能係緊張或者休息唔夠, 所以我盡量都叫太太休息,  因為BB而家食奶快左, 夜晚頂兩更還可以!

夜晚BB不停喊, 可能係之前果餐食得唔夠, 於是開隻莫扎特搖籃曲俾BB聽, 等佢可以訓o下, 點知聽左一陣, 不只無訓, 對眼仲好精靈咁四圍望, 再過多一陣又喊過, 睇黎BB對於音樂方面唔係好work, 之前一晚放莫扎特效應 (佢o係肚裡面聽唔少次) 都無乜野特別反應!

 

    1. BB既窗台工作間

因為bb身仔細, 件衫仔闊O左D , 不過好彩佢個身長, 隻腳仔可以穿到哂落件衫仔度O架

個工作間都就O黎唔夠Carissa 訓 lu

件衫有個領仔, 可以保暖又靚d, 婆婆話知先買多幾件

   2. 有時自己都可以玩得好開心