訓到三點俾爸爸拍醒o左, 原來Carissa食完晚黑九點果餐之後就一路訓到三點, skip o左12點果餐
餓o左咁耐, 當然又係三十分鐘之內攪掂!為o左可以快d攪掂血壓, 夜奶唯有要爸爸代勞. Carissa 訓到七點鐘先起身, o係半睡半醒之下用o左成個鐘先食完2.5oz 奶. 跟住10點果餐仲攪笑, 竟然一邊食奶一邊去便便, 果然o係遺傳o左爸爸o既multi-tasking!
趁早上打去加拿大搵舅婆同太姑婆報喜, 佢地都不約而同話媽媽生完之後要多休息. 咁媽媽唯有做住大王先, 照顧Carissa o既重任唯有要婆婆同爸爸分擔, 當然唔少得我地o既金牌外援姨婆啦!
特別一提, 自從放產假之後, 股市都係跌多升少. 原本諗住趁放假果三個月重整投資組合, 但係依家做哂蟹咯
今晚爸爸陪媽媽去睇屋苑附近既相熟醫生睇血壓同腳腫問題, 亦問左醫生有關轉奶粉同埋打預防針問題. 原來選擇左五合一/六合一既話就一個月時返健康院就唔駛打, 同埋d針要預訂, 初步睇到時都會去呢度打六合一加埋甚麼肺鏈球菌, 呢d針雖然貴, 但係對BB反應會比較好, 而且而家d菌咁勁, 一定要打齊先得, 呢個醫生話晒都係panel同埋相熟, 有乜野事都比較容易去跟進
返到屋企之後嘗試開始俾BB睇自制flash card, 好奇怪地BB對於正方型既圖像比較有興趣, 對於圓形既箭靶同哈哈笑就無乜反應, 其實我覺得最好係朝早睇BB會精神D, 因為BB早左出世, 所以今日先開始俾佢睇, 希望能夠刺激到佢對圖像既反應啦!
夜晚BB比較扭計, 可能係未適應到日夜既分別, 太太話聽朝要試o下同BB玩多d先得. 今晚亦飲到差唔多3oz既奶, 都算ok
今日只係影左幾幅訓覺相
BB食完奶之後同BB拍返段video
沒有留言:
張貼留言