Day 4

8月10日 (星期五) 雨

今朝開始返工, 處理好一些四日假期帶黎既工作, 同事們個個都恭喜我

原本book左聽日帶bb去健康院, 點知太太打電話黎話今日都未出得, 所以要打去再改期

由於政府五天工作, 所以如果聽日都未出到院就要等到禮拜一喇!

下晝呢個怪風吹返轉頭兼打8號波, 原本plan好放工去拎床褥, 於是就打去海馬問, 佢話打風都唔會close. 所以就決定去拎, 點知拎完行去街市個巴士站條龍好長, 於是又冒住橫風橫雨去搭返小巴去碼頭再搭796x, 搞到成5點先返到屋企, 不過都唔緊要啦, 最緊要係整好張床俾bb訓

琴日收到舊同事Hugo既email, 原來佢7月尾都生左個女, 遲o下等bb大個d就可以約埋佢玩

可能社會進步, 而家d bb個個得幾日人仔已經好醒, 識得郁手郁腳同埋轉頭, 太太話d姑娘都幾鐘意Carissa, 雖然佢size比較細, 但如果同佢傾計佢會同你有眼神交流, 真過癮!

bb因為個胃仔比較細, 所以而家每次都係餵1.5oz奶, 同埋要掃三次風先得, bb又比較怕凍, 要包到實晒先ok